Gikumpirma ni Kapitan Pablo M. Bactong sa Barangay Balubal nga usa ka mag-uuma ang nakadiskubre sa kalabera sa tawo nga giputos og itom nga jacket sa purok singko kagahapong adlawa Hulyo 7, 2026.
Tungod sa maong insidente, daling gidala sa kapulisan sa Puerto Police Station ang mga nakaplagang bukog alang sa tukmang imbestigasyon.
Samtang nagpadayon ang pag-susi, nagtuo ang usa ka pamilya sa brgy. nga adunay nawala nga kabanay sulod na sa upat ka bulan nga posibleng ila kini nga kabanay base sa jacket ug uban pang sapot nga nakit-an uban ang maong kalabera.
Giklaro usab ni Kapitan Bactong nga nag-unang timailhan sa pagkatawo gitoohang missing mao ang gisuot nga jacket ug ang panga niini nga kulang og pipila ka mga ngipon nga tukma sa maong kalabira.
