Giisip nga usa ka masubong kamatuoran sa politika ang naobserbahang kalidad sa mga opisyal sa Senado samtang nagpadayon ang impeachment trial ni Bise Presidente Sara Duterte.
Gipadayag sa myembro sa Bagong Alyansang Makabayan nga si Rauf Sissay nga daghang senador ang nagtan-aw lamang sa kaugalingong interes imbes nga sa kaayohan sa katawhan ug sa kamatuoran.
Gipasabot usab sa opisyal nga nagdepende lamang sa kaugalingong bentaha ang pagbotar sa mga senador ug dili tungod sa mga gipakitang ebidensya sa kaso.
Tungod niini, nanawagan ang grupo ngadto sa publiko nga magpadayon sa paglihok aron mapugos ang mga lider nga mobotar subay sa hustisya ug katungod sa katawhan.
