Mibiyahe na padulong sa Czech Republic si Department of Justice (DOJ) Secretary Frederrick Vida.
Kini ang gikompirmar ni DOJ Spokesperson Atty. Polo Martinez, human gitahasan ni Presidente Ferdinand Marcos Jr si Vida sa misyon mapabalik dinhi sa Pilipinas si kanhi Ako Bicol Party-list Rep. Elizaldy “Zaldy” Co.
Lakip sa tahas ni Vida ang pakighinabi sa iyang counterparts sa Czech aron i-apelar nga madeport si Co tungod sa mga akusasyon nga iyang giatubang sa Pilipinas.
Sa kasamtangan, ang kanhi magbabalaod nag-atubang sa bug-at nga mga isyu sama sa graft ug malversation of public funds sa
₱289.5 milyon nga flood control project sa Oriental Mindoro.
Una niini, gitin-aw sa DOJ nga sila migamit sa mga legal na mekanismo sama sa deportation, extradition, ug ang United Nations Convention Against Corruption aron masiguro nga makauli na sa nasud si Co.
