Dako nga pasalamat ug pagdayeg ang gidawat sa kagamhanan sa dakbayan human gipasidunggan ni kanhi Commission on Elections ug Commission on Audit Commissioner Atty. Rowena Guanzon ang ka-organisado ug kalimpyo sa Cogon Market sa Cagayan de Oro.
Sa iyang pakighinabi sa mga sakop sa media, gipahayag sa kanhi opisyal nga maayo kaayo ang plastar sa mga tindahan sa utanon ug kakanin diin dali ug hamugaway ra nga mapalit sa mga pumapalit ang ilang mga kinahanglanon.
Gitudlo usab sa kanhi komisyoner ang kalami sa mga lokal nga pagkaon sa maong dapit apan gipahimangnoan usab niya ang kagamhanan bahin sa kabug-at sa dagan sa trapiko ug hulga sa baha sa palibot.
Kahinumduman nga naniudto ang maong kanhi opisyal sa syudad kauban si kanhi Vice Governor Joey Pelaez aron makig-istorya ug mas mapaduol sa mga lumulupyo sa dakbayan.
