Kalinaw sa Palestine, ug sa tanan Muslim communities sa kalibutan ang mensahe ni Al Haj Murad Ebrahim, Chairman sa Moro Islamic Liberation Front (MILF) Central Committee ug Presidente sa United Bangsamoro Justice Party (UBJP), alayon sa selebrasyon sa Eidl Adha, ning adlawa.
Si Murad namahayag nga mahinungdanon kini nga selebrasyon, kay kini nagtimaan sa pagsakripisyo, lawom nga pagtuo, ug panaghiusa sa Bangsamoro ug sa tibuok Muslim community.
Siya nag-awhag sa mga taga Bangsamoro nga magpadayon sa ilang paningkamot sa kalinaw, kalambuan, ug nagpasalamat sa suporta nga gihatag sa gobyerno ug sa international community.
Iya usab gipasiugdan ang importansya sa Eid’l Adha isip panahon sa pagpakig-ambit ug pagtabang sa mga nanginahanglan.
Siya nagdasig sa mga Bangsamoro nga magpakita sa buhat sa kalooy ug pagtinabangay, labi na sa mga komunidad nga nagkinahanglan ug suporta.
Milaum usab ang opisyal nga padayon nga paningkamot sa Bangsamoro Autonomous Region in Muslim Mindanao (BARMM) sa pagpalambo sa ekonomiya ug edukasyon.
Siya nagpasalig nga ang MILF ug UBJP magapadayon sa ilang adbokasiya alang sa kalinaw ug kauswagan sa Mindanao.
