Gipamugos karon sa Philippine National Police ug Armed Forces of the Philippines nga pabilin nga generally peaceful ug haom sa ilang pagdumala ang tibuok rehiyon sa gihimong unang BARMM Parliamentary Elections.
Bisan pa man sa nahitabong pagpamusil nga miresulta sa pagkamatay sa tulo ka tawo ug pagkaangol sa 15 sa Barangay Bagua 2, Cotabato City, gipahayag ni Philippine Army Spokesperson Colonel Louie Dema-ala nga paspas nga napalong sa militar ug pulis ang kagubot aron dili makabalda sa kinatibuk-ang pagboto sa katawhan.
Gipasabot sa opisyal nga ang maong away kay lokal nga kaguliyang lamang sa mga supporters sa pulitika ug wala kini nakaguba sa tibuok eleksyon.
Tungod niini, pabilin nga nagbantay ang dugang nga tropa sa sundalo ug pulis sa mga kritikal nga lugar aron maseguro ang kalinaw samtang gipanalipdan ang siguridad sa proseso sa eleksyon.
