CAGAYAN DE ORO CITY-Nagkahiusa ang mga Maranao-Muslim sa ilang pag-ampo kang Allah nga ibalik ang kalinaw ug panaghiusa sa Marawi City.
Atol sa kasaulugan sa Eid al-Adha o ang Festival of Sacrifice, nagtapok ang mga residente sa usa ka mosque sa Marawi City aron mag-ampo.
Matud ni Marawi City Mayor Majul Usman Gandamra nga naglaum sila nga mahuman na ning bulana ang kagubot sa ilang lugar ilabina nga ila nang ibalik ang klase sa tanang public school Setyembre 5 ning tuiga.
Ang Eid al-Adha mao ang holy season sa sakripisyo alang sa mga Muslim.
Samtang nasabtan ni Lanao del Sur Vice Gov. Mamintal Adiong Jr. ang ‘go signal’ nga gihatag ni Pres Rodrigo Duterte sa mga sundalo nga bombahan ang mga mosque sa Marawi City.
Si Adiong miingon nga dili sila mosupak sa kamanduan sa presidente sa nasud kon mao kini ang bugtong paagi aron mapadali ang pagpatay sa mga terorista.
Asoy pa niini nga nagpasalig kaniya si Pres Duterte ug ang AFP nga tul-iron ang mga nadaut nga mosque.
Una niini, giggamit sa mga terorista ang mosque nga ilang hideout.
