Usa ka makauulaw ug direktang paglapas sa Konstitusyon ang kalit nga pag-usab sa baruganan ni retired Chief Justice Hilario Davide Jr. bahin sa impeachment trial batok kang Bise Presidente Sara Duterte.
Mao kini ang gipahayag ni Atty. Joseph Sereño sa PDP Laban Cagayan de Oro, diin gipahinumdoman niya ang tanan nga adunay daang rekord nga nagpamatuod nga si Davide mismo ang nag-ingon nga kinahanglang makuha gyud ang sakto nga 16 ka boto aron mamatud-ang nakasala ang usa ka opisyal.
Gitin-aw ni Sereño nga klaro sa balaod nga kinahanglang makuha ang 2/3 nga boto gikan sa tibuok 24 ka sakop sa Senado.
Tungod niini, nagpasidaan ang legal expert nga ang pag-usab-usab sa interpretasyon sa balaod kay nagdala lang og kagubot sa sistema sa hustisya sa nasod.
