CAGAYAN DE ORO CITY – “Block, cover and hold”.
Kini ang pahimangno ni PHIVOLCS-10 Regional Director Marcial Labininay kung dunay mahitabo nga linog.
Nagpahimango si Labininay sa publiko nga ikalma ang kaugalingon kung dunay linog ug likayan ang pagpanik.
Nagtoo ang direktor nga daghang tawo ang dali madisgrasya tungod kay dili man kamao mokontrol sa kahadlok ug wala masayud sa angay buhaton kung dunay linog.
Subli, gitin-aw sa PHIVOLCS nga wala pay ekipo nga makapredict kung kanus-a o asa ang sunod muigo ang linog.
