Gipahait sa pamunoan sa Vice Mayors’ League of the Philippines ang pagpalig-on sa cyber security taliwala sa planong pagbalhin sa mga lokal nga ordinansa ngadto sa digital nga sistema!
Gipasabot ni Cagayan de Oro City Vice Mayor ug VMLP National Vice President for Mindanao Jocelyn “Bebot” Rodriguez nga samtang gipahimuslan ang bag-ong e-Legis reference system aron dali nga makasundog ug makasubay sa mga maayong ordinansa ang matag kagamhanan, kinahanglang nakadisenyo kini sa usa ka luwas nga sistema.
Gipamugos ni Rodriguez nga kinahanglang mapanalipdan ang tanang impormasyon sa panggobyerno ug magpabiling lig-on ang digital nga pasilidad batok sa bisan unsang hulga sa cyber threats.
Busa nanawagan ang opisyal nga ang teknolohiya kinahanglang gamiton aron mas mapadool ang serbisyo sa katawhan ug dili aron madaot ang kaluwasan sa datos sa publiko.
