Gipalanog ni Villanueva Municipal Mayor Julio Uy, ang kahinungdanon sa Miss Kuyamis 2026 isip pagsaulog sa kultura ug kaisog sa mga kababayen-an sa probinsya atol sa coronation night sa indigay sa milabay nga adlaw. Ang mayor miingon nga ang kompetisyon dili lamang simbolo sa panagway kundili simbolo usab sa kompyansa, kinaadman, ug kasingkasing nga andam mualagad sa komunidad. Sa maong kompetisyon nasakmit ni Rexzil S. Paayas sa Manticao ang korona isip Miss Kuyamis 2026 Grand Winner. Samtang si Desiree B. Gamolo sa Tagoloan ang nahimong First Runner-Up; Farra Elyysa M. Cain sa Sugbongcogon isip Second Runner-Up; Cristyn Ffion F. Lewis sa Opol isip Third Runner-Up, ug si Lynn Eirene J. Lomongo sa El Salvador City isip Fourth Runner-Up. Gipadayag usab ni Uy ang iyang pasalamat ug garbo nga ang ilang munisipalidad maoy napili nga host sa Miss Kuyamis karong tuiga.
