CAGAYAN DE ORO CITY- Kawad-on ang kalit nga kamatayon ni Atty Alex Caburnay sa National Bureau of Investigation o NBI -10 nga nakabase ning syudad.
Kini human pakyas nang masalbar sa mga doktor ang kinabuhi ni Caburnay dihang nagka-cardiac arrest samtang atua sa ilang pinuy-anan sa Iligan City sa miaging gabii.
Miingon si NBI regional director Atty Patricio Bernales nga wala siya magtoo nga may gihambin nga sakit si Caburnay ilabina nga kanunay sila magkitaay niini sa opisina.
Nabiyaan ni Caburnay kinsa head agents sa NBI-10 ang iyang gihawirang mga kaso ilabina ang online investment scams nga nakabiktima sa daghang investors dinhi sa Mindanao.
