CAGAYAN DE ORO CITY-Gitugyan na sa Special Investigation Task Group o SITG-Zapanta sa PNP Cybercrime Unit ang personal celphone sa gipatay nga si Danao Brgy Kap Alfredo Zapanta sa Jasaan, Misamis Oriental.
Miingon si Misamis Oriental PNP provincial director Sr/Supt Rolando Destura nga tuyo niini nga masubay kon dunay bahad sa kinabuhi nga nadawat si Zapanta sa wala pa pusila-patay sa mga suspek.
Gawas niini, gikuha usab sa SITG-Zapanta ang mga kopya sa footage sa CCTV sa mga tindahan sa highway aron masubay ang mga dagway sa motorcycle in tandem suspects sa kremin.
Gitakdang ilubong alang sa katapusang pahulayan ang gipatay nga Brgy Kapitan sunod semana.
Kini human naporma na ang SITG-Zapanta aron magpadali sa imbestigasyon sa pagpamusil.
Miingon si Brgy 13 Kag Fresco Zapanta, igsoon ni Kap Zapanta nga maka-pokus na sila sa imbestigasyon kauban ang SITG kon hingpit na kining malubong sa pribadong yuta sa mga pamilyang Jardin sa maong lungsod.
Una niini, nasuko ang kapikas ni Kap Zapanta dihang gisulti sa pipila ka municipal officials nga walay kalambigitan sa politika ang kremin.
