CAGAYAN DE ORO CITY-Gimando ni Cagayan de Oro City Police Office Director Sr/Supt Robert Roy Bahian ang lawom nga imbestigasyon sa kamatayon sa usa ka pulis sa Maharlika building Gumamela Street, Brgy Carmen ning syudad.
Si COCPO spokesperson Supt. Mardi Hortillosa miingon nga gusto masayran ni Bahian kon nag-suicide o accidental firing ang kamatayon sa biktima nga si PO3 Joseph Marimon, 39 anyos, minyo, taga-Bukidnon ug nakadestino sa City Mobile Force Company o CMFC.
Una nang miggawas sa imbestigasyon sa mga pulis nga wala nila gisalikway ang posibilidad nga naghikog ang biktima human makaangkon sa samad pinusilan sa iyang ulo gikan sa 9mm glock pistol service firearm nga hinungdan sa iyang kamatayon.
Nakadawat usab sila’g report nga nalingkuran ni Marimon ang iyang armas ug aksidenteng naigo ang iyang ulo.
