CAGAYAN DE ORO CITY-Gisugdan na sa COCPO ang mas gipalig-on nga kampanya sa Oplan Bakal Sita sa syudad.
Kini ang gibutyag ni City Director Sr/Supt Nelson Aganon Nelson Aganon sa interbyu sa Bombo Radyo.
Gitinguha ni Aganon nga mahimong luwas ang pagsaulog sa pasko ug bag-ong tuig sulod sa dakbayan busa daghang checkpoint ang ilang gipakatag.
Nunot niini, iyang gi-awhag ang mga sumasakay nga tas-an ang pasensya.
Kini ilabe na nga sila sab naningkamot nga paspasan ang SOP sa matag checkpoint area nga dili mabutang sa kompormiso ang ilang security standard ug proseso sa pag checkpoint.
