CAGAYAN DE ORO CITY – Gipaluig-on pa sa Cagayan de Oro City Police Office (COCPO) ang ilang kampanya batok “loose firearm” ilabe na panahon sa kampanya alang sa nagkaduol nga 2019 Midterm Elections karong Mayo.
Sa interbyu sa Bombo Radyo, mibahad si City Police Director Police Col. Nelson Aganon ang publiko ug bisan ang tanan local political candidates nga dili palabyon ang ipatuman nga search warrant batok illegal nga mga armas sa syudad.
Miabiso si Aganon sa mga kandidato nga dili na angayang hulaton nga sila madakpan.
Iyang gipanawagan ang tanan gunholders nga expired na ang lisensya nga itahan kini sa ilang buhatan.
Sa kinatibuk-an, ang COCPO mikompiskar sa 35 ka mga loose firearms nga pulos nila nasanta sa ilang police checkpoints.
