Gi-apelar sa kampo ni kanhi Presidente Rodrigo Roa Duterte (FPRRD) ang desisyon sa International Criminal Court (ICC) nga mikompirmar sa mga kasong gisang-at batok kaniya.
Subay sa gisumiter nga 18 ka pahina nga dokumento sa ICC Pre-Trial Chamber 1, namugos ang depensa nga nasayop ang korte sa pagtugot nga mupadayon ang kaso ug gi-tratar kini’g ‘impermissibly flexible’ sa paghimo sa mga pasangil.
Namahayag ang kamo ni Duterte nga wala pa silay lig-ong ebidensya aron gamitong basehan sa korte ug aron aprobahan nga dunggon ang iyang kaso.
Gipasabot sa depensa nga ang paspas nga desisyon sa Chamber makadaut sa kahapsay sa dagan sa pagdungog. Hisayran nga tulo ka bug-at nga kaso ang gi-atubang sa kanhi presidente.
Kini gilangkoban sa kasong pagpatay sa panahon nga nagsilbi kining mayor sa Davao nga miresulta sa kamatayon sa 19 ka tawo, kasong pagpatay sa mga high valued target sa panahon nga milingkod kini sa pagkapresidente nga labing minus 14 ang patay, ug ang murder ug attempted murder sa panahon nga mipatuman kining War On drugs ubos sa iyang administrasyon nga mikutlo sa 45 ka tawo.
