CAGAYAN DE ORO CITY-Gironda hinungdang nabawi sa Martial Law -Special Action Group ang mga granada,armas ug ubang kabtangan gikan sa kampo sa United States Allied Freedom Fighters of the East o USAFFE diha sa Purok 13 Tabucnai,Brgy Tablon sa syudad.
Gibutyag ni Martial Law -Special Action Group member ug CIDG deputy director for operations head Supt Melgar Devaras nga target nila si USAFFE commander Atty Ely Pamatong tungod sa pagbaton sa mga armas.
Kasuhan nila si Pamatong sa illegal possession of firearms ug illegal possession of explosives kinsa atua sa Luzon atol sa pagsilbi sa search warrant sa iyang kampo kaganihang buntag.
Samtang planted ang nakuha nga mga granada ug armas gikan sa kampo ni Pamatong sa syudad.
Kini ang tubag ni Pamatong sa akusasyon sa Martial Law -Special Action Group nga nag-ronda sa iyang compound sa maong lugar kaganihang buntag.
Makigkita si Pamatong kang Pres Rodrigo Duterte aron hangyoon nga wad-on ang mga pulis ug sundalo nga nag-ronda sa iyang compound kay giingong namiligro ang kinabuhi niini.
Sa pikas bahin,nagdala’g kagubot sa kahusay’g kalinaw sa katawhan ang presensiya sa grupo ni Pamatong sa maong lugar.
Kini ang gibulgar sa usa sa mga orihinal nga residente sa lugar nga gi-ukupahan sa grupo ni Pamatong.
Namahayag ang residente nga si alyas Inday nga kon tinood pa nga maayong mga tawo sila ni Pamatong,dili manghawa ang mga miembro niini.
Hisayrang sunod-sunod nga nasikop ang mga sakop ni Pamatong tungod sa pagsul-ob sa military uniforms ning syudad sa miaging bulan sa Hulyo ning tuiga.
