Migawas nga naduot na hinuon sa kaugalingong mga testigo ang kampo sa depensa ni Vice President Sara Duterte ug nakita nga adunay kalambigitan ang bise presidente sa GenCorp ug Metro Chow sa kasamtangang pagdungog sa impeachment trial.
Sumala ni kanhi Cagayan de Oro City Councilor Atty. James Judith, imbes iklaro ang mga alegasyon sa prosekusyon, migawas sa mga teknikal nga panaglalis bahin sa return on capital ug return of capital nga adunay koneksyon ang bise presidente sa maong mga negosyo.
Dugtong pa sa abogado nga pakyas usab ang depensa sa pagpresentar og lig-on nga dokumento aron kontrahon ang giingong forensic data sa testigo sa prosekusyon nga si Atty. Alex Cabrera, diin igo lamang sila sa pagpanghimakak.
Busa gihatagan og gibug-aton ni Judith nga ubos sa rules on evidence, nagpabilin nga lamang ang House prosecution panel sa paglatag sa mga alegasyon bahin sa unexplained wealth ug conflict of interest batok sa bise presidente
