CAGAYAN DE ORO CITY-Mas milisod ang panglihuk-lihok sa grupo ni Maute-ISIS sub-commander Owayda Benito Marohombsar alyas Abu Dar nga nakig-engkuwentro sa militar sa lungsod sa Tubaran ug Pagawayan,Lanao del Sur.
Kini human nailog sa militar ang kampo ni Abu Dar nga nagbaton sa mga bunker,tower, foxholes ug mga bala.
Gibutyag ni Joint Task Force-Ranao deputy commander Col. Romeo Brawner Jr nga nagbaton na lamang sa 30 ka sumusunod si Abu Dar human napatay sa engkuwentro ang lima ka kauban niini sa miaging adlaw.
Maglisod na usab sa paggawas ang mga terorista kay silyado na ang tanang exit areas palibot sa Lanao de Sur.
Apektado usab ang 6-mil ka residente o 2-mil ka pamilya tungod sa maong kagubot.
