Gisaway ni Davao City Representative Paolo “Pulong” Duterte si House prosecution counsel Attorney Lorna Kapunan pinaagi sa pagtawag kaniya nga “Marites sa impeachment.”
Gihan-ayan dayon kini og tubag ni House impeachment team spokesperson ug Lanao del Sur Representative Zia Alonto Adiong pinaagi sa pag-ingon nga napikon lang ang kampo ni Duterte tungod kay epektibo ug maayo kaayo si Kapunan sa pagkilatis sa mga testigo.
Gipasabot usab ni Adiong nga ang mga personal nga panaway dili gayod makatabang sa depensa ni Duterte ug dili usab kini makatubag sa mga pangutana bahin sa giingong paggasto sa ₱612.5 million nga confidential funds sa Office of the Vice President ug Department of Education.
Gipadangat pa sa tigpamaba nga dili kinahanglan nga labanan pa niya si Kapunan tungod kay makabarog ug makapanalipod kini sa iyang kaugalingon samtang nagpadayon ang paglitok sa mga ebidensya.
Tungod niini, gitambagan na lang sa tigpamaba ang pamilyang Duterte nga mas maayong tutokan ang merits sa kaso imbes nga mang-atake og personalidad sa nagpadayong proceedings.
