CAGAYAN DE ORO CITY-Gikoronahan isip bag-ong Ms Cagayan de Oro ang kandidata gikan sa Brgy Macasandig nga si Mary Chris Suico.Kini human gihimo ang 2018 Ms Cagayan de Oro coronation night diin gipildi ni Suico ang laing 11 ka kandidata sa Atrium,Limketkai Mall ning syudad.
Nahimong pangutana kang Suico kon unsa ang labing maayo nga kinaiya sa usa ka Cagay-anon nga angay matun-an isip residente sa dakbayan.
Si Suico ang unang emosyonal usab dihang nakasulod sa top 5 diin bisan usa walay nadawat nga minor o major awards sa pageant.
Apan sa iyang kadaugan isip Ms Cagayan de Oro,siya ang gihatagan sa premyong salaping cash ug daghang incentives sa mga sponsor sa pageant.
Gihulipan ni Suico si 2017 Ms CdeO Katrina ‘Kat’ Zayas Acaylar.Samtang nagsilbing 1st runner up usab si Anna Grace Alturas sa Brgy Lapasan;2nd runner up si Nina Angelli Bernedo sa Brgy Balulang;3rd runner up si Claudette Mae Elaco gikan sa Brgy Bugo ug 4th runner up si Lovely Jacalan sa Brgy Baikingon ning syudad.
Mihakot usab sa minor ug major awards si Bernedo nga naglakip sa Darling of the press;Ms Artsada;Ms Mags;Ms Best Personality samtang giila usab si Ericka Zayas gikan sa Brgy Bugo nga Best People’s Choice Award;Ms Peak Review Center ug Ms Gaisano
.Nakuha usab ni candidate #11 Kriztine Claire De Guzman sa Brgy Iponan ang best in gown.
Samtang giila ni City Mayor Oscar Moreno nga pulos big winners ang 12 ka kandidata nga milangkob sa 2018 Ms Cagayan de Oro isip kabahin sa highlight sa kapistahan sa syudad sa Agosto 28 ning tuiga.
Kini human personal nga gisaksihan ni Moreno ang coronation night diin gisaksihan sa libuang katawhan sa Atrium,Limketkai Mall ning syudad.
Miingon si Moreno nga dako kaayo’g tabang alang sa mga kandidata ang ilang kasinatian aron magamit sa pilion nila nga career.Ang top 5 winners ang gitakda usab nga mouban sa Higalaay Civic Military Parade palibot sa syudad sa Agosto 28 sa buntag.
