CAGAYAN DE ORO CITY – Gikoronahan isip 2022 Ms Kuyamis Festival ang full academic scholar sa De La Salle College of Saint Benilde nga nagkuha sa kursong AB Major in Consular and Diplomatic Affairs nga si Annabelle Mae McDonnell nga representasyon gikan sa lungsod sa Naawan,Misamis Oriental.
Kini human mitigbabaw ang kaanyag ug kalantip sa salabutan sa 21-year old nga si McDonnell itandi sa laing 21 ka mga kandidata nga nag-ilogay sa korona sa maong indigay ning tuiga.
Simple lang ang common question sa top 5 candidates diin nag-sentro kini kon unsay ilang mahatag nga kadasig alang sa mga anaa sa sektor sa turismo nga kabahin sa grabeng apektado sa pandemya nga dala sa COVID-19.
McDonnell ang kanhi usab nga Ms Millennial Lanao del Norte;former Ms Lanao Del Norte ug kanhi Ms Iligan.
Nagsilbing 1st runner up si Ms Jasaan Jimema Tempra kinsa igsoon ni 2021 Ms Kuyamis Festival Dannah Joy Tempra;2nd runner up si Ms Manticao Vanesssa Dulay;3rd runner up si Ms Sugbongcogon Nice Lampad ug 4th runner up usab si Ms Villanueva Natazha Vea Bautista.
Gihimo ang koronasyon sa maong mga kandidata sa Gingoog City,Misamis Oriental tinambungan nila ni Gov Bambi Emano ingon man capitol employees ug pipila ka mayores gikan sa kalungsuran ug duha ka syudad.
