CAGAYAN DE ORO CITY – Tiwason sa negosyanteng si Paul Rodriguez ang mga nabiling mga adlaw sa pagpangamya nga gitugot sa balaod alayon sa Mayo 12 nga piliay.
Kini taliwala nga naglugwa’g ‘certificate of finality’ ang Commission on Election enbanc kabahin sa iyang pagka-diskuwalipikar paglansad sa pagka-kongresista sa bugtong distrito sa Camiguin.
Namahayag kini nga gidangop pa nila sa korte suprema pinaagi sa petition for certiorari ang hukom sa Comelec kabahin sa iyang giatubang nga disqualification case nga unang gisang-at ni incumbent Camiguin Cong. Jesus Jurdin Romualdo.
Una niini,midason sa motion for reconsideration ang kampo ni Rodriguez apan wala pabori sa Comelec.
Kini ang rason nga hangtod nga mohukom na ang Supreme Court nga dili siya tugtan makadagan,ayha pa siya mohunong sa krusada niini.
Hisayrang maoy gi-kuwestiyon ni Romualdo ang gidala nga residencia ni Rodriguez taliwala nga taga-Camiguin kini apan giakusar nga nagpuyo na didto sa Cebu City.
