CAGAYAN DE ORO CITY – Mikulit sa kasaysayan ang pagsilbing silver medalist sa kanhi basurero nga batan-on sa pag-apil niini sa 2020 Tokyo Olympics sa Japan.
Kini human unang motibasyon ni Carlo Paalam nga himimugso sa lungsod sa Talakag,Bukidnon ug nanimapalad sa Misamis Oriental hangtod nga nanginabuhi na ingon nanimuyo dinhi sa Cagayan de Oro City.
Si Paalam ang usa sa 19 ka atletang Pinoy nga ubos sa Philipppine Delegates nga apil sa Tokyo Olympics diin dala niini ang abilidad sa boksing nga iyang nakat-unan sa boxing program sa kanhi gobernaor ng Misamis Oriental ug karon City Mayor Oscar Moreno sa nag-agi’ng katuigan.
Nagbinugtong si Paalam nga misakmit sa silver medal sa tanang mga boksingero nga apil sa Olympics samtang sila nagkatigi ni 2-time Olympian Galal Yafai kinsa nakahimo’g knockout sa ilang away hinungdang giila nga gold medalist.
Nagsilbing tubag sa simple nga pangandoy ni Moreno si Paalam nga makapadala’g boksingero sa Olympics gikan sa iyang boxing program nga diriyot pa makakuha’g gold medal.
Sa kalampusan ni Paalam,dili lamang ang iyang mga kabanay,kauban sa profession,coaches,mga higala ug uba pa apan ang tanang katawhang Pilipinhon nga nagpaluyo sa programang sports dinhi sa nasud.
Napakyas man sa unang apil si Paalam pagsakmit sa gold medal apan sulti sa iyang mga ginikanan na sina Pio Rio ug Jocelyn Paalam nga batan-on pa ang ilang anak nga nagkahulugan nga suportado kaayo nila nga mo-abante alang sa 2024 Paris Olympics sa Pransya.
Giangkon sa ginikanan ni Carlo nga nasakitan sila sa resulta apan ingon gyud ang dula nga dunay kadaugan ug kapildihan hinungdang kini mapaubsanon nila nga gidawat.
Una nang tinguha ni Paalam ang gold medal apan wala pa itugot kaniya nga kini iya nang mahuptan sa edad 23 anyos nga pag-apil sa Olympiada sa Japan.
Si Carlo nga nagsugod boksing sa edad 11 anyos ang unang nabansay ni Olympian boxer ug coach Bobby Harnaiz ug nasundan ni Olympian coach Elmer Pamisa.
Si Paalam ang nagsilbing bread winner sa ilang walo ka magsoon,hinungdang maampingon kini sa iyang profession kay gusto niya hatagan sa maayong ugma ang iyang pamilya.
Modawat kini sa dili moubos 10 milyon pesos nga initial nga kantidad sa salapi ug ubang saad tungod sa pagsilbi nga silver medalist sa kanhi basurero nga karon Olympian boxer ug ilado na sa tibuok kalibutan.
Kini gilangkuban sa P5-M gikan sa gobierno;laing P5-M nga ihatag ni Manny V.Pangilinan samtang laing P5-M kang Ramon S.Ang.
Motunol usab kang Carl si Deputy Speaker Mikee Romero sa balor P2-M ug laing P3-M nga nagsumikad sa Phoenix Petroleum;lifetime nga 60,000 miles kada-tuig gikan sa Philippine Airlines ug unlimited nga flights sulod sa 5 ka tuig sa AirAsia.
