CAGAYAN DE ORO CITY-Ipaubos sa inquest proceedings sa kapolisan ang kanhi bise mayor nga may kasong rebellion sa Marawi City.
Kini human unang nasikop sa kapolisan ug militar si kanhi Marawi City Vice Mayor Arafat Salic sa kalambigitan sa Marawi Siege sa tuig 2017.
Miingon si Lanao del Sur Provincial Police Office Director Police Sr/Supt Madzgani Mukaraam nga nasikop si Salic pinasikad sa mando ni Defense Sec Delfin Lorenzana samtang miuli kini sa Marawi City gikan sa kapi’g tuig nga pagtago-tago human sa kagubot.
Si Arafat ang gilangkat sa katungdanan sa Department of Interior and Local Government isip bise mayor tungod kay kapin tuig na siya nga wala magpakita sa Marawi City Hall.
