Gipadayag sa kanhi Gabriela Women’s Party Representative nga si Liza Maza ang dakong kabalaka kalabot sa posibleng pagboto sa mga senador nga sila Sen. Rodante Marcoleta ug Jinggoy Estrada nga wala nakapartisipar sa impeachment trial ni Vice President Sara Duterte.
Gihatagan og gibug-aton ni Maza nga unta dili na tugutan nga makaboto kadtong mga absent aron makuha ang katarungan ug hustisya alang sa katawhan.
Dugang pa niya, adunay mga legal nga pangutana kung ang wala pagboto sa mga senador ituring ba nga abstention o acquittal, ilabi na nga ang Konstitusyon naglatid sa two-thirds nga boto alang sa usa ka conviction.
Busa, nanghinaot ang kanhi magbabalaod nga dili unta mamahimong babag ang maong mga teknikal nga isyu sa dagan sa maong husay.
