CAGAYAN DE ORO CITY – Malampusong nadakpan sa Balingasag Municipal Police Station ang top-3 DI-Listed provincial level sa Sitio Puntagurda, Brgy. Hermano, Balingasag, Misamis Oriental.
Giila ni Police Major Cecelio Orcullo ang dinakpan nga si Monroe Tan, 32 anyos, ulitawo ug residente sa maong dapit. Napalitan ang suspek sa usa ka pakete sa shabu ug nakuha sa iyang posisyon ang laing pakete sa shabu.
Kinatibuk-an P9,000 ang street value sa shabu ang narekober batok sa suspek. Gibutyag ni Orcullo nga makaduha na nga nasikop ang suspek ug naka-avail pa sa plea barganing apan, subling mibalik sa iyang ilegal nga kalihukan.
