Samtang giapas ni Presidente Ferdinand Marcos Jr. ang iyang legaseya sa nahibiling panahon sa iyang termino, gipahayag ni Atty. Oscar Moreno nga mas maayo unta kung gilakip niya sa pag-ingon ang hugpulong nga “nahihiya na ako” aron mapakita ang sinserong tinguha sa pagreporma.
Dugang pa sa kanhi Mayor sa Siyudad sa Cagayan de Oro ug Xavier University law professor, ang maong pahayag kinahanglan magsugod mismo kaniya isip chief executive sa nasud aron mahimong tinuod ug katuohan ang pagbag-o.
Hinuon, gilauman usab niya nga mapapanubag sa administrasyon ang mga nalambigit sa kontrobersiya sa flood control scandal, bisan pa og malakip niini ang iyang ig-agaw nga si kanhi House Speaker Martin Romualdez.
Bisan pa niini, gipunting sa abogado nga kini na ang kataposang kahigayonan sa pangulo nga mapakita ang iyang tinuod nga katuyoan sa pagdala og tinuod nga kausaban sa nasud.
