CAGAYAN DE ORO CITY-Patay ang kanhi piniriso human giingong misukol sa gilusad nga anti-illegal drug buy bust operation sa Zone 1 Brgy Sta Cruz, Tagoloan, Misamis Oriental.
Giila ni Tagoloan Police Station commander C/Insp Allan Oniana ang suspek nga si Rolando Daapong, 39 anyos nga nagpuyo sa Tin-ao, Brgy Agusan sa syudad.
Miingon si Oniana nga kamulo nga nakig-transaksyon ang pulis ngadto sa suspek dihang nagpakita kini’g pagsukol diin misulay pagpamusil.
Apan paspas usab nga naka-tubag ang back up sa maong pulis hinungdan napusilan kini.
Narekober ang pipila ka sachets sa suspected shabu, marked money ug kalibre 38 nga armas gikan sa crime scene.
Si Daapong ang ikaduha nga suspected drug pusher nga napatay sa police operation sa maong lungsod ning tuiga.
