Wala mitambong si kanhi Presidente Rodrigo Roa Duterte sa ikalima ug pinal nga status conference sa International Criminal Court (ICC), karong adlawa, Nobyembre 2, sa dili pa ang iyang trial nga gitakdang masugod sa katapusan niining bulana.
Matud ni Presiding Judge Joanna Korner, gitugotan sa korte ang hangyo ni Duterte nga dili motambong sa maong komperensiya, apan gilauman siya nga motambong sa mga pagdungog sa iyang kaso matag adlaw.
Sa laing bahin, giuyonan ni Defense lawyer Peter Haynes ang posisyon sa korte ug gipasalig niini ang pagtambong ni Duterte.
Mahinumdoman nga nag-atubang ang kanhi Presidente sa Pilipinas og kasong crime against humanity mahitungod sa mga kaso sa pagpatay ubos sa kampanyang war on drugs sa iyang administrasyon. (raniel mahunyag)
