CAGAYAN DE ORO CITY-Nasikop ang kanhi piniriso kuyog ang laing tulo ka indibidwal sa police operation diha sa Celrai,Brgy
Puntod ning syudad kagahapon sa hapon.
Kini human unang nakuhaa’g replica sa kalibre 45 nga armas ang suspek nga si Elmer Perez,hingkod ang panuigon nga nagpuyo sa maong lugar.
Miingon si Senior Master Sgt Nolasco Gaabucayan sa Macabalan Police Station nga gisita nila si Perez apan kalit nga midagan hangtod nakasulod sa pinuy-anan nga gidumala ni Maria Victoria Casanova.
Nasikop usab sila si Harold Lim,Nico Casanova ug si Maria Victoria tungod sa pagdula’g illegal nga pasugal ug pagbaton sa pipila ka sachet sa gitoohang shabu.
Kasuhan sa kapolisan ang mga suspek sa piskalya ning syudad ugmang adlawa.
