CAGAYAN DE ORO CITY –Nasunog ang pinuy-anan nga gipanag-iya sa kanhi city councilor sa syudad nga gihimo nang commercial establishment diha sa Brgy Carmen kagabii.
Kini human kalit nga dunay mibuto sulod sa Arco Otso Restobar nga gipanag-iyahan sa negosyante nga si Robert Senia nga residente ning syudad.
Miingon si SFO4 Samson Velarde,commander sa BFP-Carmen Sub Station nga hinimo sa light materials ang maong gambalay nga kanhi gipanag-iyahan ni late City Councilor John de Gracia ayha napalit ni Senia gikan sa bangko.
Dugang ni Velarde nga dili pa nila masuta kon may mibuto nga tangke sa kusina o depekto nga linya sa koryente ang rason sa maong sunog.
Hinoon,wala maangol ang caretaker sa maong balay nga si Ramil Barrios dihang natigayon ang sunog diin mitala sa 1.2 milyon pesos ang damyos.
