CAGAYAN DE ORO CITY-Gikasuhan sa pagbaligya’g gidiling droga ang kanhi sakop sa usa ka Dodo Parojinog nga giakusahan sa pagpakuyanap sa shabu sa Purok 7, Brgy Catadman, Ozamiz City.
Giila ni Ozamiz City Police Office commander C/Insp Alexy Sanido ang dinakpan nga si John Hertz Paquit, 33 anyos nga nagpuyo sa maong lugar.
Naangol pa si Paquit dihang nasangit sa atop sa ilang balay kay misibat kini aron dili madakpan sa kapolisan.
Narekober gikan sa suspek ang usa ka pouch diin may sulod nga gitoohang shabu, salapi ug drug paraphernalia.
Una nang naka-trabaho si Paquit sa Ozamiz City local government unit apan misibat sa kauluhan dihang nasikop si Dodo Parojinog paghimo’g kremin sa maong lugar.
Nasayran nga si Parojinog ang kabanay nila ni late Ozamiz City Mayor Reynaldo ‘Aldong’ Parojinog Sr nga suspek sa pagbaligya’g dinagkong gidiling droga sa Misamis Occidental.
