CAGAYAN DE ORO CITY – Nag-atubang sa kasong pagpagsupak sa Comprehensive Dangerous Drugs Act of 2002 ang 51 anyos nga suspected drug pusher nga nasignit sa City Intelligence Unit sa Cagayan de Oro City Police Office ug Philippine Drug Enforcement Agency 10 sa Zone 6,Balite Street,Brgy Bugo sa syudad.
Giila ang dinakpan nga si alyas Bentag,ulitawo nga nagpuyo sa Brgy Bugo sa dakbayan.
Subay sa impormasyon,kanhi na nadakpan ang suspek sa susama nga kasupakan sa tuig 2016.
Namulong sa mga otoridad ang dinakpan nga wala siya’y laing kakuhaan sa panginabuhian rason nga napugos kini pagbaligya’g ilegal nga droga.
Nabawian sa 40 gramos nga shabu ang dinakpan nga dunay kantidad nga 270-mil,iyang celphone ug 500 pesos nga marked money.
