Gitutukan ni Pres Bongbong Marcos ang kahimtang sa libuang mga pamilya nga apektado sa pagbuto sa bulkang Kanlaon sa Negros Island sa miaging adlaw’ng Lunes.
Kini human tahasi ni Marcos ang mga hingtungdang ahensiya nga masiguro nga dili mapasagdan ang mga residente nga nahikling gikan sa extended 6 kilometers danger zone sa maong bulkan.
Anaa sa sobra 50-mil ka tawo ang angay ipabakwit tungod sa epekto sa binuga nga abo sa bulkan.
Dugtong niini,nangunay usab sa pagsusi si Defense Sec. Gilberto Teodoro Jr sa kahimtang sa bulkan kuyog ang Phivolcs aron makahimo’g mas lapad nga lakang alang sa mga apektadong mga residente.
