CAGAYAN DE ORO CITY -Patay nang napalgan ang usa ka langyaw sa giabangan niining balay sa Gemini Street,Villa Ernesto,Brgy Gusa ning syudad.
Giila sa kapolisan ang namatay nga si US national David Borstow, 77-anyos balo nga nagpuyo sa maong lugar.
Gibutyag sa caregiver niini nga si Frank Pojas, patay na niyang nakita ang iyang agalon sa dihang gibisita niya kini sa balay tungod sa gihambin nga balatian.
Walay nakitang foul play ang kapolisan sa kamatayon sa biktima kinsa gipahiluna na sa usa ka pribadong punerarya ning syudad.
