Gikwestyon sa grupong Bagong Alyansang Makabayan o BAYAN ang padayong pagbubo sa bilyones nga pondo ngadto sa NTF-ELCAC, AFP, ug PNP taliwala sa mga seryosong pangutana sa ilang operasyon.
Gipunto ni Rauf Sissay sa grupong BAYAN, nga imbes igahin ang maong pundo alang sa mga batakang serbisyo sosyal, gigamit lamang kini sa pagpanglutos ug pagpaniktik sa mga aktibista.
Gawas pa niini, gipadayag niya nga nahimo na hinuong tinubdan sa korapsyon ang maong badyet samtang wala gihapoy tulubagon ang mga awtoridad sa mga kaso sa human rights abuses.
Hinungdan nga nagduda ang grupo kung nganong padayon ang pagpagawas og mga taho sa mga surrenderers bisan pa sa mga lugar nga gideklara na sa gobyerno nga insurgency-free.
Sa katapusan, subling gipangayo ni Sissay ang katin-awan sa tinuod nga katuyoan sa dakong alokasyon sa kwarta alang sa nasangpit nga mga ahensya.
