CAGAYAN DE ORO CITY – Hayan madugta sulod sa bilangguan ang founder sa Kabus Padatoon Community Ministry International Incorporated o KAPA nga si Pastor Joel Apolinario ug laing duha ka kauban niini.
Kini human hukmi sa Regional Trial Court Branch 33 sa Butuan City si Apolinario,Cristobal Barabad ug Joji Jusay nga sad-an sa 8 counts sa kasong syndicated estafa nga gipasaka sa Securities and Exchange Commission o SEC subay sa tabang sa mga kanhi miembro sa KAPA nga pakyas nang mabawi ang ilang mga salapi.
Subay sa SEC page posting,gihukman si Apolinario sa korte nga mabilanggo sa tibuok nila nga kinabuhi gumikan sa pagkadutli sa kasong syndicated estafa.
Dumduman nga may mga susamang kaso usab nga giatubang si Apolinario dinhi sa dakbayan kay daghan gihapon ang ilang nangailad nga mga miembro apan mas nakauna’g pakanaug sa hukom ang korte sa Butuan City ning bulana lamang.
Hisayrang nadakpan si Apolinario sa hiniusang operasyon sa kapolisan ug militar kaniadto samtang nagtago sa usa ka isla sa Lingig,Surigao del Sur diin nakig-pinusilay pa rason nga duha sa iyang mga sakop ang napatay.
