CAGAYAN DE ORO CITY, Philippines – Misaka pa sa 187 ka tawo ang patay samtang 333 ang samaran sa walay hunong nga ulan nga nagresulta sa lapad nga pagbaha sa Pakistan.
Segun sa National Disaster Management Authority (NDMA) nga lakip sa nangamatay ang 96 ka mga bata ug 30 ka mga babaye.
Maoy grabeng naapektuhan ang Punjab Province nga nahiagom sa 68 ka patay;65 sa northwest Khyber Pakhtunkhwa ug 32 sa southern Sindh provinces.
Laing 13 ka tawo ang napalgang patay sa southwestern Balochistan province, lima Kashmir ug upat sa northern Gilgit-Baltistan region.
Namahayag ang NDMA nga anaa sa 352 ka mga binuhing kahayupan ang nahanaw, dungan sa pagkaguba sa 2,293 ka mga panimalay, ug 30 tulay.
