CAGAYAN DE ORO CITY – Dili pa matukad ang mahimong kapalaran ni Vice Pres Sara Duterte sa taliabot nga molangkob nga mga magbabalaod sa senado.
Kini may kalabutan sa iyang atubangon nga pagdungog sa impeachment case nga gipasaka sa kamarabaha sa taas nga balay-balauranan.
Miingon si Atty.Antonio Soriano,convenor sa Citizens Watch for Good Governance o CWGG 10 nga sobra kahuyang pa aron isulti ang posibleng mga mahitabong senaryo sa senado sa articles of impeachment nga sagubangon ni VP Sara.
Siya miingon nga hangtod nga maklaro na kung kinsa ang manglusot nga mga kandidato pagka-senador,ayha pa masukod ang puwersa ni VP Sara ug sa mga gusto mopalagpot kaniya sa katungdanan.
Kini tungod kay walay kasiguruhan kung molahutay ang mga senador nga nakalinya kaniya o kadtong mga gituboy ni Pres Bongbong Marcos nga mopanig kaniya.
Gihimo ni Soriano ang obserbasyon kay lima sa mga giindorso ni VP Sara ug kanhi Pres Rodrigo Duterte ang may hayag nang kadaugan sanglit sulod sila sa magic 12.
Nagkinahanglan lang sa walo ngadto siyam ka senador si VP Sara sulod sa senado aron dili makadulot kaniya ang gitinguha sa mga alyado ni Marcos nga paphaon kini sa katungdanan.
