CAGAYAN DE ORO CITY – Dili makiangayon ug lisod dawaton nga yanong nangayo lamang sa pasaylo ang Commission on Elections o Comelec sa gisagubang nga kapalpakan diin nausik ang 6 milyones ka balota-opisyal nga gamiton sa 2025 elections.
Kini ang reaksyon ni Kontra Daya convenor Danilo Arao sa gisagubang nga preparasyon sa Comelec diin napornada ang ballot printing kay gimando sa korte suprema nga iapil ang lima ka aspiring candidates sa opisyal nga mga kandidato aron makadagan sa eleksyon ning tuiga.
Gibutyag ni Arao nga tungod sa giingong pagpasagad sa ahensiya, nasayang lang ang salapi nga nagamit sa pag-imprinta sa mga balota.
Siya miingon nga dili preparado ang Comelec kay mas gihatagan pa’g higayon niini ang maong mga indibidwal nga dili makadagan sa piliay.
Hisayrang tungod sa gilugwa nga mando sa korte, sunugon ang maong mga balota ug mag-imprinta’g balik nga nakalakip na ang pangalan sa petitioners.
