Dili mahimong magpakahilom ang Simbahang Katolika sa kalapasan sa usa ka trabahante ug dakung opisyal sa gobyerno.
Kini ang mensahe ni Fr. Joselito Sarabia, usa sa mga pari nga nagpasaka sa ikatulong impeachment complaint batok ni Bise Presidente Sara Duterte.
Sa pakighinabi sa press, gipamugos ni Fr Sarabia nga dili lang kini legal nga isyu apan moral nga obligasyon aron ipapanubag ang opisyal sa gobyerno.
Alang kaniya, ang pagpasakag reklamo, tipik lang sa proseso ug dalan aron makahatag sa katin-awan ang bise presidente sa mga akusasyon nga gibato kaniya.
Kagahapon, ang grupo naglaum nga ang House Secretary General dali nga mupadala sa reklamo ngadto sa Office of the Speaker aron malakip kini sa agenda sa sesyon sa mga magbabalaod ning adlawa.
Hisayran nga mi-uban kanila sa pag-endorso sa reklamo sa Office of the Secretary General si Mamamayang Liberal Partylist Representative Leila de Lima
