PC:MisOr’s PIO
CAGAYAN DE ORO CITY-Naguba ang usa ka balay samtang laing 24 ang nasudlan sa tubig sa paghapak sa storm surge sa Purok 1, Brgy Poblacion, Initao, Misamis Oriental.
Kini human nakasinati sa pagdagko sa balod ang dagat epekto sa hanging habagat nga nagpasulabi sa Northern Mindanao.
Miingon si PDRRMO head Fernando Dy Jr nga giila ang tag-iya sa balay nga naguba nga si Michael Llana nga nagpuyo sa maong dapit.
Hinoon, walay tawo nga naangol sa paghapak sa dagkong balod sa 25 ka pamilya sa maong lungsod kaganihang buntag.
