CAGAYAN DE ORO CITY-Natakbuyan na sa nagkadaiyang balatian ang kapi’g 200 ka residente nga nangbakwit gikan sa Marawi City samtang sila temporaryong mipasilong sa evacuation centers sa Iligan City.
Nasuta kini ni DoH Sec Dra Jean Ubial mismo sa iyang personal nga pagsusi sa nagkadaiyang evacuation centers sa Lanao del Sur,Lanoa del Norte,Iligan City ug mismo dinhi sa syudad.
Siya miingon nga kabahin sa mga sakit nga gihambin sa evacuees ang upper respiratory tract infection,hilanat ug sip-on ilabina sa kabataan.
Gimanduan usab ni Ubial ang mga personahe sa DoH nga mohimo’g paglibot sa evacuation centers aron madali pag-atiman ang mga bakwit nga magbaton sa balatian.
