CAGAYAN DE ORO CITY-Nakagawas na ang kapin sa 300 ka pasyente nga naigo sa diarrhea outbreak sa pipila ka brgy diha sa Medina,Misamis Oriental sa miaging semana.
Kini ang gihimo nga pag-esplikar ni Medina Mayor Donato Chan dihang sila gipatawag aron mohatag katin-awan sa hawanan sa komitiba sa sa panglawas nga gipanguluhan ni Sangguniang Board member Gagay Acain kagahapong adlawa.
Gibutyag ni Chan nga sa maong ihap,duha na lamang ang nagpabilin sa ospital samtang bugtong nag-inusara nga usa ka residente ang kumpirmadong namatay tungod sa diarrhea dehydration.
Una niini,nadawat na sa konseho ang resulta sa gikuhang test sa DoH-10 ngadto sa 12 ka water wells sa Medina Rural Water and Sanitation Coopreative o MERWASCO.
Gilayong gihangyo ni Chan ang tigdumala sa ilang water district nga limpyuhan ang pito ka mga tubo nga kontaminado sa kagaw nga e.coli nga putlon usab ang serbisyo aron malimpyuhan.
