CAGAYAN DE ORO CITY- Napiangan karon ang mga sumusunod sa napatay nga si
Malaysian bomber Zulkifli Binhir Marwan dinhi sa Mindanao.
Kini tungod sa
pagkasikop sa kapikas ni Marwan nga si Juromee Dungon pinasikad sa sunod-
sunod nga search operations sa PNP ug AFP sa mga safehouse ni Dungon sa
lungsod sa Tubod,Lanao del Norte kagahapon sa buntag.
Miingon si PNP regional spokesperson Supt Lemuel Gonda nga gawas kang Juromee,nasikop usab sa mga otoridad ang igsoon niini nga si Lorelie Atta alyas Bebeth Aminah ingon man ang bana niini nga si SPO4 Andy Atta.
Dugang ni Gonda,nasikop usab ang amahan ni Juromee nga si Romeo Dungon ug laing anakniini nga si Norien Santos sa Tinago Brgy San Juan Baroy, Balo-i sa maong lalawigan.
Kabahin sa narekober sa posisyon sa mga suspek ang granda, 6 ka blasting caps, electric detonating cards, 7-inches non-electric detonating card, plastic container; sling bag nga may sulod nga 3 ka magazine sa glock 17 gen-4;40 ka bala sa 9mm pistol;kalibre 45;hand grenade;M61 ug bomb making materials.
Sang-atan sa patung-patong nga kaso sa piskalya ang mga suspek diin kasamtangang detinado sa headquarters sa CIDG-10 ning syudad.
