CAGAYAN DE ORO CITY-Gikonsiderar karon sa magsoong Rotoras nga person of interest o POI na si Zarah Lyn Rotoras sa kamatayon ni USTP president Dr Ricardo Rotoras ning syudad.
Kini subay sa judicial affidavits nga giluwatan sa magsoong Rotoras nga gisubmitar nila sa kapolisan.
Miingon si Eldie Rotoras,kinsa tigpamaba sa maong pamilya nga daghan sila’g obserbasyon nga nakit-an sa kapikas sa ilang igsoon hinungdan nga gipaimbestigar nila kini’g apil ug laing usa ka abogado.
Gani,bisan sila nga magsoon ang boluntaryo usab nga nagpaubos sa imbestigasyon kay pito ka bulan na ang milabay sukad gipatay si Rotoras,pabiling wala pa matumbok ang utok sa kremin.
Dugtong niini,abli usab ang mga mikropono sa Bombo Radyo alang sa mga himoong katin-awan ni Mrs Rotoras kabahin sa maong hisgutanan.
Samtang gilayong ipasaka sa kapolisan ang dugang kasong kriminal kon unsa man ang resulta sa subli pag-imbestigar sa kamatayon ni Rotoras sa syudad.
Kini human gikonsiderar sa SITG-Rotoras ang kapikas sa biktima nga si Zarah Lyn Rotoras nga person of interest sa maong kremin.
Miingon si SITG Rotoras spokesperson Supt Mardi Hortillosa nga kinahanglan nga magsumikad sa pamilya sa biktima ang interes pagduso’g kaso sa piskalya sa posibleng dugang suspek sa kremin.
