CAGAYAN DE ORO CITY-Naghangyo ang kapikas ni USTP president Dr Ricardo Rotoras nga tabangan sila’g sulbad
sa kaso imbis nga pagpasangil sa ubang tawo ang buhaton sa pipila ning syudad.
Gihimo ni Engr Zarah Lyn Rotoras ang apelar tungod sa langan nga pagsulbad sa kamatayon sa iyang bana nga gipusil-patay kapin tuig na ang naglabay sa Brgy Carmen sa syudad.
Miingon si Engr Rotoras nga angay likayan una sa publiko ang espekulasyon kon kinsa ang tinood nga utok sa kremin samtang pabiling nag-imbestigar ang mga otoridad.
Una niini,gikalipay ni Engr Rotoras nga wala sila pasagdi sa USTP kabahin sa giantos nila nga sitwasyon sukad nawala ang ilang padre de pamilya.
Samtang gi-depensa sa Special Investigation Task Group o SITG -Rotoras ang pabiling langan nga pagtumbok sa utok ug motibo sa kamatayon ni Rotoras.
Kini human dismyado ang mga igsoon ni Rotoras sa pabiling gawasnon nga mastermind sa kamatayon sa biktima dihang gipapatay sa usa ka subdibisyon diin nagpuyo ning syudad.
Miingon si SITG Rotoras spokesperson Supt Mardi Hortillosa nga dili usab nila malapas ang tawhanong
katungod sa suspek nga si Johnriel Gamanay aron ipatug-an lamang sa kremin kay masupak usab niini ang
tawhanong katungod.
Si Hortillosa miingon nga si Gamanay ang nakit-an sa testigo nga mipusil kang Rotoras dihang
pasulod na unta kini sa pinuy-anan niadtong Disyembre 2,2017.
Dugtong niini,gitakdang makigtagbo’g balik ang magsoong Rotoras sa SITG aron personal masuta kon asa na ang direksyon sa imbestigasyon sa kaso.
Kini human nagduda ang pamilya nga dunay impluwensiyadong mga personalidad nga nagpahinay sa imbestigasyon alang sa pagkab-ot hustisya sa kamatayon ni Rotoras.
Miingon si Eldie Rotoras nga gusto usab nila masuta na ang pinaka- unod sa CCTV camera nga giingong nakakuha sa footage sa hitabong pagpatay sa iyang igsoon samtang anaa gawas sa pinuy-anan sa Brgy Carmen sa syudad.
