CAGAYAN DE ORO CITY- Miubos ang ihap sa mga person under investigations o PUI’s gumikan sa coronavirus o COVID-19 sa tibook rehiyon.
Kini human gianunsyo ni Department of Health o DoH-10 regional director Dr Adriano Subaan nga nag-negatibo sa virus ang 10 ka PUI’s.
Miingon si Suba-an nga kabahin sa negatibo ang kapikas sa COVID-19 Patient No.40 nga unang namatay samtang gitambalan sa Northern Mindanao Medical Center sa miaging duha na ka semana.
Dugang sa opisyal nga nag-negatibo usab ang pasyente gikan sa Oroquieta City; duha sa Ozamiz City; usa sa Camiguin ug lima upat dinhi sa syudad.
